حبيب للبيع
حازم عبد الكريم
يا أهل الحب والأشواق
يا أهل المنة والجودة
هنعمل عرض للعشاق
فقط ولفترة محدودة ..
حبيب للبيع
يا تلحق فرصتك حالاً
يا إما يضيع
و فول أوبشن رومانسي
بجد
وجد بجد ساعة الجد
وما يهموش عشانك حد
وَفِي جداً لأبعد حد
ولو يغضب بضحكة يروق
وباهديلك معاه .. كلمة
.. ورقة .. وذوق ومصري أصيل
شهادة جودته من النيل
وعاشق للفسح جداً
وعمره ما يلغي شيء عنداً
ما يتأخرش ع المواعيد
ويوم العيد يكون لابس جديد ف جديد
بيكره جداً الروتين
ويعشق كلمة التجديد
ويعرف يغسل المواعين
ويطبخ رز وشاورما ومكرونة
ولسه جديد بكرتونة
وأنا اضمنهولكوا بعنيا
دا متربي على إيديا
ولو شاكين مفاجأة
..
ضمان عليه سنتين
لكل مشاكل التصنيع ..
حبيب للبيع
يا تلحق فرصتك حالاً
يا إما يضيع
0 comments:
Post a Comment