من مشاركات مسابقة ببساطة عندها تالنت
المشاركة
الحاصلة على أعلى عدد إعجابات على صفحة المجلة على الفيسبوك:
الرسمة الأخيرة
محمود مطاوع
* المشهد *
رسام عدى الستين
ـ ساكن في بيت لوحده ـ بعد ما مراته ماتت ، الذكريات بتزوره في ليلة في الشتا وتفكره
بأيامه اللى عاشها معاها ، كتب لها رسالة بيقولها :
أما بعد
بعد لما العمر عدى
لسه فاكر
لما كنا ويا بعض
.. في المعاد دا
والمعاد دا لأنه
عيد
كان لازم له أكيد
هدية
قلت فرصة ساعتها
أعيد
ذكرياتك اللي لسه
عايشة فيا
جبت لوحة وفرشة ناعمة
وجبتلك ألوان كتيرة
قلت وعد إنك تكوني
رسمة اللوحة الأخيرة
رسمت صورتك لما كنتي
عايشة جنبي من سنين
ورسمتلك على ضهرها
"شكل الحنين"
..
رسمت صورتك لما كنتي
ليا ضل
وإني عمري ماكنت
جنبك يوم بضل
لما كنتي إنتي دليلي
واما كنتي النور
ف ليلي
لما كنت ابنك وأبوكي
واما كنتي حتة مني
طب قوليلي لما أخاف
مين بعدك يطمني !
رسمت صورة
لما مرة فرقت بينا
البلاد
بس كنا ساعتها لسه
مش بعاد
رسمت صورة والقلوب
متجمعة
"رسمت عينى مدمعة"
المرة دي غبتي عني
ومش بإيدي أرجعك
وعد مرة قولتهالك
إني عمري ما أضيعك
ووعد تاني ليكي مني
هعيش الباقي من أيامي
بستنى
وبدعيلك وبتمنى
أشوفك تاني ف الجنة ..
0 comments:
Post a Comment