بهاء الدين فاروق
1) اختيار الوقت المناسب للسفر:
من أهم الحاجات اللي تخليك تجيب سعر تذكرة كويس أنك تختار الوقت المناسب للسفر بعيد عن الزحمة، يعني مثلا أنسب وقت للسفر لأوربا هو شهر 4 و شهر 10 و أشهر الشتاء عموما، و في الوقت ده حتلاقي التذاكر رخيصه جدا و في نفس الوقت بتكون أوروبا رخيصه في الفتره دي من حيث الفنادق لأن بيكون الموسم خلص ، و كمان بتكون مش زحمة.
بالنسبة لشرق آسيا أحسن وقت للسفر من شهر 10 الى شهر 5 و ده بيكون أحسن طقس عندهم و بيكون الأمطار قليلة جدا .
فالسر الأول أبعد عن شهور الصيف عموما و المواسم و الأعياد .
2) وقت حجز تذكرة الطيران:
طبعا كل ما تحجز بدري تلاقي تذكرة أرخص و ده حقيقي فعلا ، لكن أنسب وقت للحجز هو من 3 الى 4 شهور قبل السفر وبالتحديد قبل 81 يوم من السفر وده بيكون أرخص سعر للتذكرة .
3) وانت بتدور على موقع زي skyscanner مثلا ، أكتب الوجهه من Egypt عموما الى Italy مثلا و متحددش المدينة و لا المطار وهو حيجيبلك أقل سعر من اي مطار في مصر لأي مطار في ايطاليا ، يعني ممكن تطلع أقل تذكرة طيران من مطار شرم الشيخ مثلا مش القاهره .
4) حاول دائما تختار التاريخ مفتوح ومتحددش تاريخ معين ، يعني تعمله whole month مثلا في skyscanner و ده حيجيبلك جدول بكل الاسعار في الشهر ده وانت تقدر تختار أرخص يوم في الشهر.
5) الرحلات الوجهتين أرخص من وجهه واحده K يعني لو مثلا حتحجز طيران ( قاهره – بانكوك – قاهرة ) حتكون أرخص من ( قاهره – بانكوك ) ( بوكيت – قاهره )، فحاول أنك تروح و ترجع من نفس المدينة، وتتنقل داخليا داخل الدوله بين المدن بقطر او أتوبيس
6) بخصوص اختيار اليوم المناسب للسفر حاول تبعد عن عطلات الويك اند لأنها بتكون أغلى من وسط الأسبوع
7) غالبا السفر الى العاصمة بيكون أرخص لأنه بيطلع عليه شركات طيران كتير ، الا في حالة واحده فقط أن يكون فيه طيران منخفض التكاليف مش بيروح للعاصمة وبينزل في مطارات تانيه في الحاله دي حتلاقي سعر التذكرة أرخص كتير
8) تابع دائما رحلات اللي بيكون فيها ترانزيت ودي بتكون أرخص بكتير من الرحلات المباشرة و فيه دول لو الترانزيت طويل بتكون فرصة ليك انك تدخل البلد دي وتتفسح فيها شوية وتتفرج على معالمها بدون ما تتكلف فلوس طيران اضافية .
9) حاول دائما تسافر بشنطة واحده معاك على الطائرة ميزدش وزنها عن 10 كيلو وخاصة في أوروبا ده حيوفر عليك كتير في الفلوس وكمان في الوقت .
0 comments:
Post a Comment